Download Free FREE High-quality Joomla! Designs • Premium Joomla 3 Templates BIGtheme.net
Home / LAJME / Gati sa nuk ma mori burrin shoqja ime!

Gati sa nuk ma mori burrin shoqja ime!

perjetim

U njohëm rastësisht në Mensën e Studentëve në Prishtinë. Nuk ishte ndonjë njohjeje romantike, por kjo ishte e vërteta jonë… Për mua qe dashuri në shikim të parë dhe nga ai moment e kuptova se ai për mua ishte i duhuri, i imi. Mirëpo, për pak të ma merrte ime shoqe dhe do mbesja me gishta në gojë, shkruan për Portalin tonë, “Kosovarja”, Merita, nga Prishtina.

Njohja jonë nuk ishte një njohje romantike që u ndodhin çifteve teksa me gotë vere në dorë i afrohen njëri-tjetrit dhe i shprehin dashurinë. Njohja jonë ndodhi në Mensën e Studentëve në Prishtinë dhe ishte një njohje pothuajse e rëndomtë që mund t’u ndodhej çifteve. Por, megjithatë, më pëlqente fakti se më bënte pyetje, por, mbi të gjitha, më dëgjonte pa i hedhur sytë nga dekolteja apo nga prapanica. Pasi hëngrëm drekë bashkë dolëm nga mensa me një përshëndetje të rëndomtë. Dija vetëm emrin e tij dhe fakultetin dhe për dy javë rresht më nuk e pash dot…

Ditët kalonin dhe kujtimi i fytyrës se tij po zbehej gjithnjë e më shumë sa që kisha frikë se po ta takoja përsëri nuk do ta njihja më. Mirëpo, truri bën çudira, jo vetëm që ia mbaja mend fytyrën, por e kisha memorizuar edhe frizurën e tij, sa që pas dy javësh kur e pash nga larg e njohja në bazë të ecjes… Bërtita: “E gjeta!” dhe vendosa që kësaj radhe të mos e lija të më humbiste përsëri… Në momentin që e pash për të dytën herë, isha me një shoqe që ishte komplet e kundërta ime në paraqitje, por njëlloj e lezetshme. Kur iu afrova i them sime shoqe me zë të lartë: “Ka ndonjë kafiteri këtu afër?”. Ai, meqë ndodhej shumë afër meje, sikur ma njohu zërin dhe tha: “Po, këtu afër është”.

Kur ktheu kokën kah unë më njohu, ma zgjati dorën dhe më ftoi në kafe. E unë, si çdo vajzë e mbarë, mora edhe shoqen me vete se, përndryshe, ai do të mendonte se unë mezi e kisha pritur atë takim… Pas nja një ore muhabet u largova për pak minuta nga tavolina dhe kur kthehem shikoj tek gajaseshin të dy. “Mos bëra autogol!”, e solla në mendje. Thashë: Tash do ia kërkojë numrin asaj dhe unë, budallaqja, e hëngra!”.

Shyqyr Zotit ndodhi e kundërta, dolëm nga kafeneja bashkë dhe nuk u ndamë më.

Tash, e që i shkruaj këta pak rreshta, më kujtohet se si po atë natë tërë kohën e kalova pa gjumë, duke menduar se ime shoqe do ma merr. Më silleshin në kokë vërdallë dyshime të shumta dhe vendi vend nuk më zihej.

Por, deshi Zoti dhe ndodhi e kundërta, ai u bë i imi dhe bashkë jetojmë qe 10 vjet.

(Visited 246 times, 1 visits today)

About Lajme

Check Also

“160 mijë euro dhe ata të tre të vdekur”, të tjera përgjime tronditëse të Habilajve

Dalin detaje të reja lidhur me përgjimet me grupin kriminal të “Habilajve”. Sipas hetuesve italianë …

Leave a Reply

Your email address will not be published. Required fields are marked *

// Edit your activity's layout XML file to include a // RelativeLayout to contain the AdView: ... // In your activity's onCreate function, construct the AdView, // add to the container view and load the ad: private AdView adView; @Override public void onCreate(Bundle savedInstanceState) { super.onCreate(savedInstanceState); ... RelativeLayout adViewContainer = (RelativeLayout) findViewById(R.id.adViewContainer); adView = new AdView(this, "938290939641711_938305336306938", AdSize.BANNER_320_50); adViewContainer.addView(adView); adView.loadAd(); }